تبریز ویکی لینکلر - بزرگترین وبلاگ تبریز و آذربایجان

Təbriz və Azərbaycan üçün Blog İranda - Tabriz , Azerbaijan Region in Iran
نویسنده : تبریز قارتال پنجشنبه 12 دی 1392, 12:40 ب.ظ
حیدر بابایه سلاملار
قارتالدان شهریاره سلاملار

حیدربابا ، دونیا یالان دونیادى

بعضی نامردلردن، بؤ تازا نسله قالان میراثدى!


شهریار

شهریار

تبریز شهری که تاریخی نیست!

 بلکه تبریز خود همان تاریخ است و تاریخ ها را ساخته...


مقبره شهریار

شهریار


مقبره الشعرای تبریز مدفن مقدس هزارساله که بیش از 400شاعر و عارف آرمیده اند حال و روز خوشی ندارد مثل همتایش ارک نماد مقاومت مردم تبریز!

روح شهریار و همقطاران بزرگش اینجاست، مردم تبریز با طبیعت و تاریخ و هنر و اصالت شهر خود هزاران سال زندگی کرده اند پس نماد فرهنگی مردم تبریز و طبیعت باغ شهر تبریز را دریابید چون وقتی به وضع تاریخ و زبان و اصالت و طبیعت مظلوم تبریزم مینگرم اندوه گین میشوم که چرا نسل قرن 21 ما میراث غنی و بزرگ آذربایجان فرقی نمیکنه میخواد اورمیه یا اردبیل یا زنجان یا همدان و تبریز را چنین تحویل گرفتیم؟! 

مقبره الشعرا

مقبره الشعرای تبریز

ما مردم و مسئولان آذربایجان باید مراقب سه گنجینه ارزشمند خود باشیم:
  • طبیعت و محیط زیست و باغ شهرهای خود
  • تاریخ و میراثی بسیار کهن و قدیمی و غنی
  • اصالت و زبان تورکی و رسوم های دیرین خود

اما خود قضاوت کنید آیا از این 3 گنجینه خود خوب حراست کردیم؟!!
آیا در این زمینه ها پیشرفت کردیم یا پس رفت؟!
همه کلاه خود را قاضی کنیم...


مدفن شهریار

قطران تبریزی

 حیدربابا ، ایلدیریملار شاخاندا
قارتال: حیدربابا، ائلر شهریمیزده یاتاندا!


قبور

سئللر ، سولار ، شاققیلدییوب آخاندا
قارتال: حیدربابا، ناراحات اولدوم بؤ مقبرنین وضعین دوربینیمه سالاندا !


هتل استقبال تبریز

قیزلار اونا صف باغلییوب باخاندا
قارتال: حسرت ییئپ قره قانلار گئچیر باخاندا !


وضع مقبره شهریار

سلام اولسون شوکتوزه ، ائلوزه
قارتال: حیدربابا، سنینده بیر حقین وار بیزلره!


مقبره الشعرا نابسامان

منیم دا بیر آدیم گلسین دیلوزه
قارتال: امما بی وفالیخ ائلده پیمانکار سنه!


مدفن

حیدربابا ، کهلیک لرون اوچاندا
قارتال: سؤکدولر تبریزین فرهنگی نمادندا !


بهجت تبریزی

کول دیبینَّن دوشان قالخوب ، قاچاندا
قارتال: حیدربابا، ارگیمیزده داغیدلار قالدوخ باخا باخا !


ششگلان تبریز

امامزاده تبریز

باخچالارون چیچکلنوب ، آچاندا
قارتال: بؤ ایفتیخارله یئریمیزیده الیمیزدن آلدیلا !

ورودی فنس کشیده شده


بیزدن ده بیر مومکون اولسا یاد ائله
قارتال: تبریز اهیله بورالارا دا مومکون دئییل گئللر!

پردیس مقبره شهریار

آچیلمیان اورکلرى شاد ائله
قارتال: بیزه بدبختلره ائلبیر لاله پارک، بلور، ولیعصر کیفایت ائلر!


میراث ویران شده

بایرام یئلى چارداخلارى ییخاندا
قارتال: حیدربابا، من حیران قالدیم مقبروین جلالینا!


مقبره شاعران

نوروز گولى ، قارچیچکى ، چیخاندا
قارتال: ویران اولدوم، جییریم یانده سنین گؤزل یاتماخ یئریوه داغیدیلا !


حیدربابا

حیدربابا ، گون دالووى داغلاسین !
قارتال: کاش قارتالین قئچه سینسایدی بورانه بوجور گئلیپ گؤرمسین!


مرمت مقبره الشعرا

حیدربابا ،‌ سنون اوزون آغ اولسون !
قارتال:  من، میراث، شهرداری، اؤزو قره اولسون!


داخل مقبره الشعرا

حیدربابا ، یولوم سنَّن کج اولدى
قارتال: شرمنده اولدوخ سنه، شهریاره، قطرانا، خاقانی!


مقبره تاریخی تبریز

حیدربابا ، کندین تویون توتاندا
قارتال: سید حمزده شهریارین حالینه نیگران باخیردا !


سید حمزه تبریز

سید حمزه

مقبره سید حمزه تبریز

شهر تاریخی تبریز

حیدربابا ، قارلى داغلار آشاندا

قارتال: دوز دا سپیپلر مقبرنه خرابلاسینلار!


بهتونی

عارفان

حیدر بابا منی اؤز بیوکلؤوه باغشلا، گؤزلریمین یاشی بؤ سویوخ هاوادا بؤز تکین گلیر یاناقلاریما..


تابلوی شاعران

مدفن بزرگان


حیدر بابا دونیا یالان دونیاده

قارتالا، آینده قارداشلارا قالمیئن میراثده

قبر شهریار



جهت دیدن شعر کامل شاهکار ادبی جهان حیدربابایه سلام شهریار به ادامه مطلب بروید..


لینک پست مقبره الشعرای نابسامان

لینک پست شیرین سخن

لینک پست شهریار

لینک پست ارک علیشاه

لینک پست مرمت ارک

لینک پست میراث ما

لینک پست گورستانهای تاریخی تبریز




حیدر بابایه سلام- شهریار


(۱)

حیدربابا ، ایلدیریملار شاخاندا

سئللر ، سولار ، شاققیلدییوب آخاندا

قیزلار اونا صف باغلییوب باخاندا

سلام اولسون شوکتوزه ، ائلوزه !

منیم دا بیر آدیم گلسین دیلوزه


(٢)

حیدربابا ، کهلیک لرون اوچاندا

کول دیبینَّن دوشان قالخوب ، قاچاندا

باخچالارون چیچکلنوب ، آچاندا

بیزدن ده بیر مومکون اولسا یاد ائله

آچیلمیان اورکلرى شاد ائله


(٣)

بایرام یئلى چارداخلارى ییخاندا

نوروز گولى ، قارچیچکى ، چیخاندا

آغ بولوتلار کینکلرین سیخاندا

بیزدن ده بیر یاد ائلییه ن ساغ اولسون

دردلریمیز قوى دیّکلسین ، داغ اولسون


(٤)

حیدربابا ، گون دالووى داغلاسین !

اوزون گولسون ، بولاخلارون آغلاسین !

اوشاخلارون بیر دسته گول باغلاسین !

یئل گلنده ، وئر گتیرسین بویانا

بلکه منیم یاتمیش بختیم اویانا


(٥)

حیدربابا ،‌ سنون اوزون آغ اولسون !

دؤرت بیر یانون بولاغ اولسون باغ اولسون !

بیزدن سورا سنون باشون ساغ اولسون !

دونیا قضو-قدر ، اؤلوم-ایتیمدى

دونیا بویى اوغولسوزدى ، یئتیمدى


(٦)

حیدربابا ، یولوم سنَّن کج اولدى

عؤمروم کئچدى ، گلممه دیم ، گئج اولدى

هئچ بیلمه دیم گؤزللرون نئج اولدى

بیلمزیدیم دؤنگه لر وار ،‌ دؤنوم وار

ایتگین لیک وار ، آیریلیق وار ، اولوم وار


(٧)

حیدربابا ، ایگیت اَمَک ایتیرمز

عؤمور کئچر ، افسوس بَرَه بیتیرمز

نامرد اولان عؤمرى باشا یئتیرمز

بیزد ، واللاه ، اونوتماریق سیزلرى

گؤرنمسک حلال ائدون بیزلرى


(٨)

حیدربابا ، میراژدر سَسلننده

کَند ایچینه سسدن - کویدن دوشنده

عاشیق رستم سازین دیللندیرنده

یادوندادى نه هؤلَسَک قاچاردیم

قوشلار تکین قاناد آچیب اوچاردیم


(٩)

شنگیل آوا یوردى ، عاشیق آلماسى

گاهدان گئدوب ، اوردا قوناق قالماسى

داش آتماسى ، آلما ،‌ هیوا سالماسى

قالیب شیرین یوخى کیمین یادیمدا

اثر قویوب روحومدا ، هر زادیمدا


(١٠)

حیدربابا ، قورى گؤلون قازلارى

گدیکلرین سازاخ چالان سازلارى

کَت کؤشنین پاییزلارى ، یازلارى

بیر سینما پرده سى دیر گؤزومده

تک اوتوروب ، سئیر ائده رم اؤزومده


(١١)

حیدربابا ،‌ قره چمن جاداسى

چْووشلارین گَلَر سسى ، صداسى

کربلیا گئدنلرین قاداسى

دوشسون بو آج یولسوزلارین گؤزونه

تمدّونون اویدوخ یالان سؤزونه


(١٢)

حیدربابا ، شیطان بیزى آزدیریب

محبتى اورکلردن قازدیریب

قره گونون سرنوشتین یازدیریب

سالیب خلقى بیر-بیرینن جانینا

باریشیغى بلشدیریب قانینا


(١٣)

گؤز یاشینا باخان اولسا ، قان آخماز

انسان اولان بئلینه خنجر تاخماز

آمما حئییف کور توتدوغون بوراخماز

بهشتیمیز جهنّم اولماقدادیر !

ذى حجّه میز محرّم اولماقدادیر !


(١٤)

خزان یئلى یارپاخلارى تؤکنده

بولوت داغدان یئنیب ، کنده چؤکنده

شیخ الاسلام گؤزل سسین چکنده

نیسگیللى سؤز اورکلره دَیَردى

آغاشلار دا آللاها باش اَیَردى


(١٥)

داشلى بولاخ داش-قومونان دولماسین !

باخچالارى سارالماسین ، سولماسین !

اوردان کئچن آتلى سوسوز اولماسین !

دینه بولاخ ، خیرون اولسون آخارسان

افقلره خُمار-خُمار باخارسان


(١٦)

حیدر بابا ، داغین ، داشین ، سره سى

کهلیک اوخور ، دالیسیندا فره سى

قوزولارین آغى ، بوزى ، قره سى

بیر گئدیدیم داغ-دره لر اوزونى

اوخویئدیم‌ « چوبان ، قیتر قوزونى »


(١٧)

حیدر بابا ، سولى یئرین دوزونده

بولاخ قئنیر چاى چمنین گؤزونده

بولاغ اوتى اوزَر سویون اوزونده

گؤزل قوشلار اوردان گلیب ، گئچللر

خلوتلیوب ، بولاخدان سو ایچللر


(١٨)

بیچین اوستى ، سونبول بیچن اوراخلار

ایله بیل کى ، زولفى دارار داراخلار

شکارچیلار بیلدیرچینى سوراخلار

بیچین چیلر آیرانلارین ایچللر

بیرهوشلانیب ، سوننان دوروب ، بیچللر


(١٩)

حیدربابا ، کندین گونى باتاندا

اوشاقلارون شامین ئییوب ، یاتاندا

آى بولوتدان چیخوب ، قاش-گؤز آتاندا

بیزدن ده بیر سن اونلارا قصّه ده

قصّه میزده چوخلى غم و غصّه ده


(٢٠)

قارى ننه گئجه ناغیل دییَنده

کولک قالخیب ، قاپ-باجانى دؤیَنده

قورد گئچینین شنگولوسون یینده

من قاییدیب ، بیرده اوشاق اولئیدیم

بیر گول آچیب ، اوندان سورا سولئیدیم


(٢١)

عمّه جانین بال بلله سین ییه ردیم

سوننان دوروب ، اوس دونومى گییه ردیم

باخچالاردا تیرینگَنى دییه ردیم

آى اؤزومى او ازدیرن گونلریم !

آغاج مینیپ ، آت گزدیرن گونلریم !


(٢٢)

هَچى خالا چایدا پالتار یوواردى

مَمَد صادق داملارینى سوواردى

هئچ بیلمزدیک داغدى ، داشدى ، دوواردى

هریان گلدى شیلاغ آتیب ، آشاردیق

آللاه ، نه خوش غمسیز-غمسیز یاشاردیق


(٢٣)

شیخ الاسلام مُناجاتى دییه ردى

مَشَدرحیم لبّاده نى گییه ردى

مشْدآجلى بوز باشلارى ییه ردى

بیز خوشودوق خیرات اولسون ، توى اولسون

فرق ائلَمَز ، هر نولاجاق ، قوى اولسون


(٢٤)

ملک نیاز ورندیلین سالاردى

آتین چاپوپ قئیقاجیدان چالاردى

قیرقى تکین گدیک باشین آلاردى

دولائیا قیزلار آچیپ پنجره

پنجره لرده نه گؤزل منظره !


(٢٥)

حیدربابا ، کندین تویون توتاندا

قیز-گلینلر ، حنا-پیلته ساتاندا

بیگ گلینه دامنان آلما آتاندا

منیم ده او قیزلاروندا گؤزوم وار

عاشیقلارین سازلاریندا سؤزوم وار


(٢٦)

حیدربابا ، بولاخلارین یارپیزى

بوستانلارین گول بَسَرى ، قارپیزى

چرچیلرین آغ ناباتى ، ساققیزى

ایندى ده وار داماغیمدا ، داد وئرر

ایتگین گئدن گونلریمدن یاد وئرر


(٢٧)

بایرامیدى ، گئجه قوشى اوخوردى

آداخلى قیز ، بیگ جورابى توخوردى

هرکس شالین بیر باجادان سوخوردى

آى نه گؤزل قایدادى شال ساللاماق !

بیگ شالینا بایراملیغین باغلاماق !


(٢٨)

شال ایسته دیم منده ائوده آغلادیم

بیر شال آلیب ، تئز بئلیمه باغلادیم

غلام گیله قاشدیم ، شالى ساللادیم

فاطمه خالا منه جوراب باغلادى

خان ننه مى یادا سالیب ، آغلادى


(٢٩)

حیدربابا ، میرزَممدین باخچاسى

باخچالارین تورشا-شیرین آلچاسى

گلینلرین دوزمه لرى ، طاخچاسى

هى دوزولر گؤزلریمین رفینده

خیمه وورار خاطره لر صفینده


(٣٠)

بایرام اولوب ، قیزیل پالچیق اَزَللر

ناققیش ووروب ، اوتاقلارى بَزَللر

طاخچالارا دوزمه لرى دوزللر

قیز-گلینین فندقچاسى ، حناسى

هَوَسله نر آناسى ، قایناناسى


(٣١)

باکى چى نین سؤزى ، سووى ، کاغیذى

اینکلرین بولاماسى ، آغوزى

چرشنبه نین گیردکانى ، مویزى

قیزلار دییه ر « آتیل ماتیل چرشنبه

آینا تکین بختیم آچیل چرشنبه »


(٣٢)

یومورتانى گؤیچک ، گوللى بویاردیق

چاققیشدیریب ، سینانلارین سویاردیق

اویناماقدان بیرجه مگر دویاردیق ؟

على منه یاشیل آشیق وئرردى

ارضا منه نوروزگولى درردى



(٣٣)

نوروز على خرمنده وَل سورردى

گاهدان یئنوب ، کولشلرى کورردى

داغدان دا بیر چوبان ایتى هورردى

اوندا ، گؤردن ، اولاخ ایاخ ساخلادى

داغا باخیب ، قولاخلارین شاخلادى


(٣٤)

آخشام باشى ناخیرینان گلنده

قودوخلارى چکیب ، وورادیق بنده

ناخیر گئچیب ، گئدیب ، یئتنده کنده

حیوانلارى چیلپاق مینیب ، قوواردیق

سؤز چیخسایدى ، سینه گریب ، سوواردیق


(٣٥)

یاز گئجه سى چایدا سولار شاریلدار

داش-قَیه لر سئلده آشیب خاریلدار

قارانلیقدا قوردون گؤزى پاریلدار

ایتر ، گؤردون ، قوردى سئچیب ، اولاشدى

قورددا ، گؤردون ، قالخیب ، گدیکدن آشدى


(٣٦)

قیش گئجه سى طؤله لرین اوتاغى

کتلیلرین اوتوراغى ، یاتاغى

بوخاریدا یانار اوتون یاناغى

شبچره سى ، گیردکانى ، ایده سى

کنده باسار گولوب - دانیشماق سسى


(٣٧)

شجاع خال اوغلونون باکى سوقتى

دامدا قوران سماوارى ، صحبتى

یادیمدادى شسلى قدى ، قامتى

جؤنممه گین تویى دؤندى ، یاس اولدى

ننه قیزین بخت آیناسى کاس اولدى


(٣٨)

حیدربابا ، ننه قیزین گؤزلرى

رخشنده نین شیرین-شیرین سؤزلرى

ترکى دئدیم اوخوسونلار اؤزلرى

بیلسینلر کى ، آدام گئدر ، آد قالار

یاخشى-پیسدن آغیزدا بیر داد قالار


(٣٩)

یاز قاباغى گون گونئیى دؤیَنده

کند اوشاغى قار گولله سین سؤیَنده

کورکچى لر داغدا کورک زویَنده

منیم روحوم ، ایله بیلون اوردادور

کهلیک کیمین باتیب ، قالیب ، قاردادور


(٤٠)

قارى ننه اوزاداندا ایشینى

گون بولوتدا اَییرردى تشینى

قورد قوجالیب ، چکدیرنده دیشینى

سورى قالخیب ، دولائیدان آشاردى

بایدالارین سوتى آشیب ، داشاردى


(٤١)

خجّه سلطان عمّه دیشین قیساردى

ملا باقر عم اوغلى تئز میساردى

تندیر یانیب ، توسسى ائوى باساردى

چایدانیمیز ارسین اوسته قایناردى

قوورقامیز ساج ایچینده اویناردى


(٤٢)

بوستان پوزوب ، گتیرردیک آشاغى

دولدوریردیق ائوده تاختا-طاباغى

تندیرلرده پیشیرردیک قاباغى

اؤزون ئییوب ، توخوملارین چیتداردیق

چوخ یئمکدن ، لاپ آز قالا چاتداردیق


(٤٣)

ورزغان نان آرموت ساتان گلنده

اوشاقلارین سسى دوشردى کنده

بیزده بویاننان ائشیدیب ، بیلنده

شیللاق آتیب ، بیر قیشقریق سالاردیق

بوغدا وئریب ، آرموتلاردان آلاردیق


(٤٤)

میرزاتاغى نان گئجه گئتدیک چایا

من باخیرام سئلده بوغولموش آیا

بیردن ایشیق دوشدى اوتاى باخچایا

اى واى دئدیک قورددى ، قئیتدیک قاشدیق

هئچ بیلمه دیک نه وقت کوللوکدن آشدیق


(٤٥)

حیدربابا ، آغاجلارون اوجالدى

آمما حئییف ، جوانلارون قوجالدى

توخلیلارون آریخلییب ، آجالدى

کؤلگه دؤندى ، گون باتدى ، قاش قَرَلدى

قوردون گؤزى قارانلیقدا بَرَلدى


(٤٦)

ائشیتمیشم یانیر آللاه چیراغى

دایر اولوب مسجدیزون بولاغى

راحت اولوب کندین ائوى ، اوشاغى

منصورخانین الی-قولى وار اولسون

هاردا قالسا ، آللاه اونا یار اولسون


(٤٧)

حیدربابا ، ملا ابراهیم وار ، یا یوخ ؟

مکتب آچار ، اوخور اوشاقلار ، یا یوخ ؟

خرمن اوستى مکتبى باغلار ،‌ یا یوخ ؟

مندن آخوندا یتیررسن سلام

ادبلى بیر سلامِ مالاکلام


(٤٨)

خجّه سلطان عمّه گئدیب تبریزه

آمما ، نه تبریز ، کى گلممیر بیزه

بالام ، دورون قویاخ گئداخ ائممیزه

آقا اؤلدى ، تو فاقیمیز داغیلدى

قویون اولان ، یاد گئدوبَن ساغیلدى


(٤٩)

حیدربابا ، دونیا یالان دونیادى

سلیماننان ، نوحدان قالان دونیادى

اوغول دوغان ، درده سالان دونیادى

هر کیمسَیه هر نه وئریب ، آلیبدى

افلاطوننان بیر قورى آد قالیبدى


(٥٠)

حیدربابا ، یار و یولداش دؤندولر

بیر-بیر منى چؤلده قویوب ، چؤندولر

چشمه لریم ، چیراخلاریم ، سؤندولر

یامان یئرده گؤن دؤندى ، آخشام اولدى

دونیا منه خرابه شام اولدى


(٥١)

عم اوغلینان گئدن گئجه قیپچاغا

آى کى چیخدى ، آتلار گلدى اویناغا

دیرماشیردیق ، داغلان آشیردیق داغا

مش ممى خان گؤى آتینى اویناتدى

تفنگینى آشیردى ، شاققیلداتدى


(٥٢)

حیدربابا ، قره کولون دره سى

خشگنابین یولى ، بندى ، بره سى

اوردا دوشَر چیل کهلیگین فره سى

اوردان گئچر یوردوموزون اؤزونه

بیزده گئچک یوردوموزون سؤزونه


(٥٣)

خشگنابى یامان گونه کیم سالیب ؟

سیدلردن کیم قیریلیب ، کیم قالیب ؟

آمیرغفار دام-داشینى کیم آلیب ؟

بولاخ گنه گلیب ، گؤلى دولدورور ؟

یاقورویوب ، باخچالارى سولدورور ؟


(٥٤)

آمیر غفار سیدلرین تاجییدى

شاهلار شکار ائتمه سى قیقاجییدى

مَرده شیرین ، نامرده چوخ آجییدى

مظلوملارین حقّى اوسته اَسَردى

ظالم لرى قیلیش تکین کَسَردى


(٥٥)

میر مصطفا دایى ، اوجابوى بابا

هیکللى ،ساققاللى ، تولستوى بابا

ائیلردى یاس مجلسینى توى بابا

خشگنابین آبروسى ، اَردَمى

مسجدلرین ، مجلسلرین گؤرکَمى


(٥٦)

مجدالسّادات گولردى باغلارکیمى

گورولدردى بولوتلى داغلارکیمى

سؤز آغزیندا اریردى یاغلارکیمى

آلنى آچیق ، یاخشى درین قاناردى

یاشیل گؤزلر چیراغ تکین یاناردى


(٥٧)

منیم آتام سفره لى بیر کیشییدى

ائل الیندن توتماق اونون ایشییدى

گؤزللرین آخره قالمیشییدى

اوننان سورا دؤنرگه لر دؤنوبلر

محبّتین چیراخلارى سؤنوبلر


(٥٨)

میرصالحین دلى سولوق ائتمه سى

میر عزیزین شیرین شاخسِى گئتمه سى

میرممّدین قورولماسى ، بیتمه سى

ایندى دئسک ، احوالاتدى ، ناغیلدى

گئچدى ، گئتدى ، ایتدى ، باتدى ، داغیلدى


(٥٩)

میر عبدولون آیناداقاش یاخماسى

جؤجیلریندن قاشینین آخماسى

بویلانماسى ، دام-دوواردان باخماسى

شاه عبّاسین دوربونى ، یادش بخیر !

خشگنابین خوش گونى ، یادش بخیر !


(٦٠)

ستاره عمّه نزیک لرى یاپاردى

میرقادر ده ، هر دم بیرین قاپاردى

قاپیپ ، یئیوب ، دایچاتکین چاپاردى

گولمه لیدى اونون نزیک قاپپاسى

عمّه مینده ارسینینین شاپپاسى


(٦١)

حیدربابا ، آمیر حیدر نئینیور ؟

یقین گنه سماوارى قئینیور

داى قوجالیب ، آلت انگینن چئینیور

قولاخ باتیب ، گؤزى گیریب قاشینا

یازیق عمّه ، هاوا گلیب باشینا


(٦٢)

خانم عمّه میرعبدولون سؤزونى

ائشیدنده ، ایه ر آغز-گؤزونى

مَلْکامِدا وئرر اونون اؤزونى

دعوالارین شوخلوغیلان قاتاللار

اتى یئیوب ، باشى آتیب ، یاتاللار


(٦٣)

فضّه خانم خشگنابین گولییدى

آمیریحیا عمقزینون قولییدى

رُخساره آرتیستیدى ، سؤگولییدى

سیّد حسین ، میر صالحى یانسیلار

آمیرجعفر غیرتلى دیر ، قان سالار


(٦٤)

سحر تئزدن ناخیرچیلار گَلَردى

قویون-قوزى دام باجادا مَلَردى

عمّه جانیم کؤرپه لرین بَلَردى

تندیرلرین قوزاناردى توسیسى

چؤرکلرین گؤزل اییى ، ایسیسى


(٦٥)

گؤیرچینلر دسته قالخیب ، اوچاللار

گون ساچاندا ، قیزیل پرده آچاللار

قیزیل پرده آچیب ، ییغیب ، قاچاللار

گون اوجالیب ، آرتارداغین جلالى

طبیعتین جوانلانار جمالى


(٦٦)

حیدربابا ، قارلى داغلار آشاندا

گئجه کروان یولون آزیب ، چاشاندا

من هارداسام ، تهراندا یا کاشاندا

اوزاقلاردان گؤزوم سئچر اونلارى

خیال گلیب ، آشیب ، گئچر اونلارى


(٦٧)

بیر چیخئیدیم دام قیه نین داشینا

بیر باخئیدیم گئچمیشینه ، یاشینا

بیر گورئیدیم نه لر گلمیش باشینا

منده اْونون قارلاریلان آغلاردیم

قیش دوندوران اورکلرى داغلاردیم


(٦٨)

حیدربابا ، گول غنچه سى خنداندى

آمما حئیف ، اورک غذاسى قاندى

زندگانلیق بیر قارانلیق زینداندى

بو زیندانین دربچه سین آچان یوخ

بو دارلیقدان بیرقورتولوب ، قاچان یوخ


(٦٩)

حیدربابا گؤیلر بوتون دوماندى

گونلریمیز بیر-بیریندن یاماندى

بیر-بیروزدن آیریلمایون ، آماندى

یاخشیلیغى الیمیزدن آلیبلار

یاخشى بیزى یامان گونه سالیبلار


(٧٠)

بیر سوروشون بو قارقینمیش فلکدن

نه ایستیور بو قوردوغى کلکدن ؟

دینه گئچیرت اولدوزلارى الکدن

قوى تؤکولسون ، بو یئر اوزى داغیلسین

بو شیطانلیق قورقوسى بیر ییغیلسین


(٧١)

بیر اوچئیدیم بو چیرپینان یئلینن

باغلاشئیدیم داغدان آشان سئلینن

آغلاشئیدیم اوزاق دوشَن ائلینن

بیر گؤرئیدیم آیریلیغى کیم سالدى

اؤلکه میزده کیم قیریلدى ، کیم قالدى


(٧٢)

من سنون تک داغا سالدیم نَفَسى

سنده قئیتر ، گویلره سال بوسَسى

بایقوشوندا دار اولماسین قفسى

بوردا بیر شئر داردا قالیب ، باغیریر

مروّت سیز انسانلارى چاغیریر


(٧٣)

حیدربابا ، غیرت قانون قاینارکن

قره قوشلار سنَّن قوپوپ ، قالخارکن

او سیلدیریم داشلارینان اوینارکن

قوزان ، منیم همّتیمى اوردا گؤر

اوردان اَییل ، قامتیمى داردا گؤر


(٧٤)

حیدربابا . گئجه دورنا گئچنده

کوراوغلونون گؤزى قارا سئچنده

قیر آتینى مینیب ، کسیب ، بیچنده

منده بوردان تئز مطلبه چاتمارام

ایوز گلیب ، چاتمیونجان یاتمارام


(٧٥)

حیدربابا ، مرد اوغوللار دوغگینان

نامردلرین بورونلارین اوغگینان

گدیکلرده قوردلارى توت ، بوغگینان

قوى قوزولار آیین-شایین اوتلاسین

قویونلارون قویروقلارین قاتلاسین


(٧٦)

حیدربابا ، سنون گؤیلون شاد اولسون

دونیا وارکن ، آغزون دولى داد اولسون

سنَّن گئچن تانیش اولسون ، یاد اولسون

دینه منیم شاعر اوغلوم شهریار

بیر عمر دور غم اوستونه غم قالار


دسته بندی : تبریز , * مشاهیر آذربایجان , * تورک سئسه لینک , * انتقاد،پیشنهاد لینک , * میراث،تاریخ،صنایع دستی آذربایجان ,
برچسب ها : مقبره الشعرا , شهریار , حیدربابا , مدفن بزرگان تبریز , سید حمزه , وضعیت مقبره الشعرای تبریز , بهتونی ,



» درباره تبریز و آذربایجان و اخبار About and News ( جمعه 16 اسفند 1398 )
» ویروس کرونا تهدیدی در ایران ( جمعه 9 اسفند 1398 )
» نقاش و نگارگر استاد علی اصغر پتگر ( جمعه 25 بهمن 1398 )
» زینب پاشا بانوی رابین هود ایران ( جمعه 18 بهمن 1398 )
» خانه زیبا که به هتل بوتیک در تبریز تبدیل می‌شود ( یکشنبه 6 بهمن 1398 )
» بنیس شبستر ، روستای دانشگاهی بدون بیکار و بی سواد ( چهارشنبه 25 دی 1398 )
» برف زمستانی 1398 تبریز ( جمعه 20 دی 1398 )
» اردبیل؛ سرزمین چشمه‌های بهشتی آذربایجان ( یکشنبه 15 دی 1398 )
» مشکلات صنعت کفش چرم دستدوز تبریز ( پنجشنبه 5 دی 1398 )
» شب خاطره ها چیلله گئجه‌سی ( شنبه 30 آذر 1398 )
» خلیل بحران طنز پرداز ( چهارشنبه 20 آذر 1398 )
» شهر شکی جمهوری آذربایجان ( یکشنبه 10 آذر 1398 )
» پاکبان و جدال با فاضلاب برای یک لقمه نان حلال ( دوشنبه 4 آذر 1398 )
» دوربین تبریز لینک 80 ( گردشی در اطراف بیلانکوه ) ( جمعه 24 آبان 1398 )
» پارک باغ‌شهر تبریز ( دوشنبه 13 آبان 1398 )
» مسجد حسن پاشا در انتظار احیا ( جمعه 3 آبان 1398 )
» شهر گمشده اوجان آذربایجان در راه احیا ( جمعه 26 مهر 1398 )
» عشایر شاهسون آذربایجان از اصالت تا زندگی شیرین ( سه شنبه 16 مهر 1398 )
» مصاحبه مینا خلیل‌ زاده فتحی برنده جایزه هوانوردی آمریکا ( چهارشنبه 10 مهر 1398 )
» چهار پروژه و نابودی چهار اثر تاریخی تبریز ( جمعه 5 مهر 1398 )
» زووفان حیوانات تبریز ( دوشنبه 25 شهریور 1398 )
» تصاویر محمدحسن‌میرزا قاجار در دارالحکومه تبریز ( پنجشنبه 21 شهریور 1398 )
» دلیرمردی که سوختن ارسباران را برنتابید ( دوشنبه 11 شهریور 1398 )
» حوادث اشغال تبریز توسط ارتش سرخ در شهریور ۱۳۲۰ ( دوشنبه 4 شهریور 1398 )
» شهروند لینک آذربایجانی 78 ( مهری نژاد ) ( سه شنبه 29 مرداد 1398 )
» سرگذشت دراماتیک امپراتوران مدرسه‌سازی مردانی آذر ( شنبه 19 مرداد 1398 )
» ضرورت احیا هتل قدیمی گراند و محله پاساژ تبریز ( جمعه 11 مرداد 1398 )
» ساعت به وقت گدایی در شهر بدون گدا تبریز ( دوشنبه 31 تیر 1398 )
» شهروند لینک آذربایجانی 77 ( آراز نویدی ) ( جمعه 21 تیر 1398 )
» چهارمین جشنواره خلاقیت و نوآوری تبریز ( پنجشنبه 13 تیر 1398 )
موضوعات

لینکستان

» سازمان گردشگری شهرداری تبریز Tourism Development Organization of Tabriz Municipality
» گردشگری آذربایجان شرقی - تبریز توریست
» آپارات کارتونهای آذربایجانی
» وبلاگ کلیبر سیتی (پریسا)
» وبسایت تبریز دانلود (هادی)
» آنایوردوم خطبه سرا
» آذربایجان و پیرامون (عبدالحسین)
» وبلاگ بایرام (بیانی)
» وبلاگ جانیم آزربایجان(elçi bəy)
» وبلاگ مازگامت
» یئنی قاپی
» سایت ادبیات ترکی ایشیق
» شهرمن تبریز (یاشار)
» وبلاگ باخیش(شادی)
» وبلاگ سهند ما (محسن)
» خاطیره لر دوراغی (حسین واحدی)
» صنم در اوج (سجاد)
» وبلاگ اشعار ترکی آذری و فارسی
» یوردوم ملکان
» وبلاگ تبریز شهر اولین ها (سعید)
» سهند توپراقی(جواد نجات)
» املاک قربانی (اسپیران)
» وبلاگ ینگی اسپیران (محمد)
» آنــــا یــوردوم تــبریــز(عبدا.. رضوی)
» وبلاگ کشاورزی آمقانی اسکو(شوکتی)
» وبلاگ گوگان
» ....................................
» وبلاگ اخبار اردبیل (فرزاد)
» وبلاگ شهریمیز اورمو
» دئیه لر(دیگاله)-اورمیه
» وبلاگ مشگین شهر (میلاد)
» وبلاگ چشمه های بهشتی آرتاویل
» پروژه های عمرانی ایران
» وبسایت مشهد امروز (اشکان)
» مشهد شهر بهشت (امیرحسین)
» وبلاگ شهر خرم آباد
» وبلاگ هورامان
» وبلاگ برازجان (بوشهر)
» وبلاگ آموزش رانندگی
» هواشناسی ایرما
» ......................................
» وبلاگ گالری تراکتور
» وبسایت گسترش فولاد تبریز
» وبسایت باشگاه ماشین سازی تبریز
» وبسایت رسمی باشگاه تراکتورسازی
» لینک پیش فرض دوم
» لینک پیش فرض اول
» لیست لینک ها

آمار بازدید


کل بازدید ها :
بازدید امروز :
بازدید دیروز :
بازدید این ماه :
بازدید ماه قبل :
تعداد نویسندگان :
تعداد کل مطالب :
آخرین بروز رسانی :

تبریز دیجی لینکلر

تلگرام تبریز ویکی لینکلر

 اینستاگرام تبریز ویکی لینکلر

 آپارات شبکه سهند

آپارات سهند موزیک

آپارات سهند کارتون

آشپزی آذربایجان

تبریز 2018

فیسبوک

لنزور

آذربایجان نیوز

توریسم و گردشگری

سوغات و صنایع دستی

هواشناسی آذربایجان

اصالت و رسوم آذربایجان

مشاهیر

اولین های تبریز

ترکی آذربایجانی

تاریخ باستان

درباره ما


مجموعه تبریز ویکی لینکلر
Tabriz WikiLinks
آغاز وبلاگ در آذر ماه 1391
*******************

وبلاگ تبریز ویکی لینکلر
Tabrizlinks.mihanblog.com

وبلاگ تبریز دیجی لینکلر
Tabrizdigilinks.mihanblog.com

اینستاگرام تبریز ویکی لینکلر
Instagram.com/tabrizlinks

فیس بوک تبریز ویکی لینکلر
Facebook.com/tabrizlinks

شبکه ویدیویی نماشا تبریز لینک
Namasha.com/tabrizlinks

آپارات ویدیویی شبکه سهند
Aparat.com/sahandtv

آپارات ویدیویی سهند موزیک
Aparat.com/sahandmusic

آپارات ویدیویی سهند کارتون
Aparat.com/sahandcartoon

آپارات ویدیویی آشپزی آذربایجان
Aparat.com/sahandchef

آپارات ویدیویی بازنشر تبریز 2018
Aparat.com/tabriz_2018

کانال یوتیوب ویدیویی
youtube.com/tabrizlinks

گالری لنزور تبریز ویکی لینکلر
Lenzor.com/tabrizlinks

تلگرام تبریز ویکی لینکلر
https://t.me/tabrizlinks
@tabrizlinks


ایجاد کننده وبلاگ : تبریز قارتال


    گوگل

    ویکی پدیا

    کتاب ترکی

    دیکشنری زبان ترکی

    دایره المعارف مجازی

    دریاچه ارومیه

    مستمندان تبریز

    استخدامی

    تبریز سرچ

    دیوار تبریز

    رقص آذری

    زنجان توریسم

    تبریز مدرن

    tripadvisor

    تراکتور لینک

    آمار و داده های تبریز

    نصرنیوز

    خبرگزاری شهریار

    آخار آذ

    آناج

    آذرقلم

    دورنا نیوز

    میراث فرهنگی آذربایجان

    صدا و سیمای مرکز استان آذربایجانشرقی

    استانداری آذربایجان شرقی


شبکه اجتماعی فارسی کلوب | Buy Mobile Traffic | سایت سوالات